» Notisias

Segunda, 10 Oktober 2016

Komemorasaun Loron Internasionál Feto Rurál 15 Outubru Hanesan Biban Ida Atu Valoriza Feto Sira Iha Área Rurál

Sekretaria Estadu ba Apoiu no Promosaun Sosiu-Ekonómika Feto (SEM) organiza selebrasaun Loron Internasionál Feto Rurál 15 Otubru ho tema “Hakbi’it Feto Rurál, Hametin Igualdade Jéneru ba Dezenvolvimentu Timor-Leste,”Suku Maudemo, Postu Administrativu Tilomar, Munisípiu Covalima.

Eventu ida ne’e la’ós foin maka selebra, maibe haree fila fali ba polítika SEM ne’ebé kada tinan halo selebrasaun ba loron importante sira ne’ebé hakbiit feto no promove igualdade jéneru. 15 Otubru kada tinan nu’udar Loron Internasionál Feto Rurál ne’ebé SEM sempre selebra hamutuk ho feto sira iha área rural hodi hala’o atividade oin-oin hanesan Diálogu ho komunidade no seluk-seluk tan.

Feto maluk sira ne’ebé iha área rurál iha talentu no kreatividade bo’ot, maibe sira laiha oportunidade atu hatudu ba mundu katak sira mós bele dezenvolve nasaun Timor-Leste liu husi sira nia talentu. Tanba ne’e SEM organiza eventu ne’e atu halo promosaun ba feto sira liu husi kreatividade no talentu ne’ebé feto rurál sira iha. Liuhusi biban ne’e mós mundu tomak bele hatene katak Governu no Nasaun ida ne’e iha interese no valoriza sira, maske feto sira ne’e hela iha área rurál.

Eventu ida ne’e SEM rasik maka sai hanesan fasilitadór. Oradór sira iha diálogu mai husi Ministériu Agrikulturano Peskas (MAP) no Ministériu Obras Públikas (MOPTK). Programa ne’ebé sei realiza iha atividades ne’e maka hanesan;
 Diálogu ho Komunidade Suku Maudemo ne’ebé fasilita husi SEM, MAP no MOPTK:
a) SEM sei foti asuntu ho topíku “Polítika SEM ba Hakbi’it Feto.”
b) MAP ho topíku “Polítika MAP ba Hakbi’it Ekonomia Feto iha Seitór Aagrikultura.
c) MOPTK ho topíku “Polítika MOPTK ba Hakbti’it Ekonomia Feto liuhusi Involvimentu Feto iha Konstrusaun Rurál.”

Iha Eventu ida ne’e sei hetan partisipasaun husi Administradór Munisípiu Covalima, Sekretariu Administradór no Prezidente Grupu Traballu Jenéru, Xefi Suku, Xefi Aldeia, Estudante (pre-Sekkundáriu no Sekundáriu) sira, Asosiasaun Feto, komunidade, ONG Lokál no Internasionál, Grupo das Mulheres Parlementares de Timor-Leste (GMPTL), Komisaun F Parlamentu Nasionál, Gabinte Primeiru Ministru no inklui mós memnru Governu sira. Atividadedes ne’e sei realiza iha loron Kinta, 13 Outubru 2016 ho razaun loron 15 Outubru monu iha loron Sábadu.

Liu husi biban ida ne’e SEM mós lahaluha konvida belun Média sira atu bele hola parte iha eventu refere. Imi nia prezensa mak inan feton sira nia susesu.


Departamentu Media SEII | Author : Carlito
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00665492

Ohin loron : 72
Hits ohin loron : 2159
Total : 123208
Hits : 665492
Online : 4