» Notisias

Tersa, 06 Novembru 2018

SEII Selebra loron Nasionál Feto Timor-Leste 3 Novembru 2018, iha Aldeia Ilimanu Suku Uma Kaduak Postu Administrativu Lacló, Munisípiu Manatuto.

Sekretaria Estadu ba Igualdade no Inkluzaun (SEII), Selebra loron Nasionál Feto Timor-Leste 3 Novembru, iha tersa-feira, loron 6 fulan Novembru tinan 2018, iha Aldeia Ilimanu Suku Uma Kaduak Postu Administrativu Lacló, Munisípiu Mantuto. Selebrasaun Loron Nasional ba Feto Timor-Leste, nudar eventu istoriku ida ne’ebé, Sekretaria Estadu ba Igualdade no Inkluzaun hala’o anualmente, hodi valoriza Feto Timor-Leste ninia kontribuisaun iha prosesu luta durante periodu naruk, to’o Timor-Leste restaura ninia independensia iha loron 20 Maiu 2002.

Tinan 2018 Governu Konstitusional daualu, liu husi Sekretaria Estadu ba Igualdade no Inkluzaun (SEII), selebra Loron Nasional Feto, ba dala 43, ho topiku Hamutuk ita promove feto iha karreira professional foti desizaun setór públiku no privadu, nune’e mos selebrasaun ida ne’e, nudar momentu ida importante, hodi halo reflesaun kona-bá progresu involvimentu Feto Timor-Leste, iha prosesu dezenvolvimentu, hafoin partisipa ativamente iha tempu rezistensia ninian. Nune’e mós, selebrasaun ida ne’e, iha ninia sentidu ida ne’ebé kle’an tebés, hanesan komemorasaun sira ne’ebé hala’o ona iha tinan barak ba kotuk.

Liu husi selebrasaun ida ne’e, fo hanoin hikas ba sosiedade Timor-Leste, katak, tempu ona hodi partisipa ativu, iha prosesu promove no haforsa feto ninia prezensa iha pozisaun foti desizaun, iha setor importante sira hanesan; Edukasaun, Saúde, Justisa, Agrikultura, Ekonomia, Polítika no Sosial. Tamba Feto mós nudar protagonista ba iha prosesu dezenvolminentu tomak ne’ebé, Timor-Leste atinji dadaun no hakat ba bei-beik, to’o hetan susesu boot, hanesan projeta ona iha Planu Estratejiku Dezenvolvimentu Nasionál, katak to’o tinan 2030, Timor-Leste sei sai hanesan, nasaun ida ne’ebé prósperu no nakonu ho dame no ejiste ona sosiedade ida ne’ebé justu ba igualdade jéneru ne’ebé ema nia dignidade no direitus umanus, inklui direitu sira feto nian, hetan valor, protejidu no promove liu husi ninia lei no kultura sira.

Selebrasaun loron nasionál feto ne’e abertura husi Sekretária Estadu ba Igualdade no Inkluzaun Sra. Maria José da Fonseca Monteiro de Jesus no partisipa husi Komisária Funsaun Públika Sra. Maria Domingas Fernandes Alves, Presidente AEMTL Sra. Hergui Luina Fernandes Alves, autoridade lokal Suku Uma Kaduak, xefi suku Cau ne’ebé reprezenta xefe suku feto munisípiu Mantuto, komunidade suku uma kaduak, Administrador postu Administrativu Lacló, komandante PNTL Minisípiu Manatuto ho ninia membru balun, reprezentante husi instituisaun governu, organizasaun Internasionál, Sosiedade sivil nomós Embaxadora Nosoens Unidas iha Timor-Leste. Selebrasaun ne’e realiza SEII servisu hamutuk ho Australian Aid no The Asia Fundation.


Departamentu Media SEII | Author : Media_SEII
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00380439

Ohin loron : 41
Hits ohin loron : 168
Total : 89235
Hits : 380439
Online : 3