» Notisias

Sesta, 06 September 2013

Estajiu Profisionál Inspetora no Tekniku Profisionál Finansas iha Lisboa, Portugal

Bazeia ba Protokolu Kooperasaun entre Sekretaria Estadu ba Promosaun Igualdade (SEPI) Timor-Leste no Sekretaria Estadu Asuntu Parlamentar no Igualdade Portugal maka hahú tinan 2012, funsionáriu sira husi SEPI hetan ona oportunidade hodi ba hala’o estajiu profisionál iha Portugal. Iha tinan 2012, tekniku na’in rua ba hala’o tiha ona sira-nia estajiu iha Seixal, Portugal. Iha tinan 2013 ne’e, Inspetora &Auditora SEPI nian, Sra. Maria José Sanches no Tékniku Profisionál Finansas, Sra. Fátima Xavier Barreto, sei hala’o sira-nia estajiu profisionál iha Lisboa, Portugal tuir ida-idak nia área.

Loron 8 fulan Setembru, Tekniku nain rua ne’e arranka ba Portugal liu husi Denpasar, Doha no Genebra. Hahú 11 Setembru sira sei halo sira-nia estajiu no sei remata iha 8 Outubro. Sra. Maria José Sanches hala’o nia estajiu profisionál iha Diresaun Servisus Auditoria no Inspesaun iha Sekretaria Jerál Prezidensia Konsellu Munistrus nian. Téknika Finansas Sra. Fátima Xavier Barreto sei hala’o nia estajiu iha Diresaun Servisus Finanseirus no Kontabilidade, Prezidensia Konsellu Ministrus.

Rekoñese katak oportunidade ne’e ho tempu badak tebes, Tekniku rua ne’e sei haka’as an ho responsabilidade tómak atu bele aproveita didi’ak no manán tan esperiénsia foun husi nasaun ne’ebé hamriik tinan hira tiha ona ne’e. Ho esperiénsia foun ne’e, sira sei buka atu mai aplika fali iha sira-nia servisu lor-loron iha SEPI maski tenke ajusta ho kontestu nasaun ida-idak nian. Objetivu estajiu profisionál iha rai liur, la’ós atu ba kopia loos deit ema-nia lala’ok iha ne’ebá maibé atu aumenta koñesimentu no hetan esperiénsia foun, hafoin ida-idak maka sei "ta’es" saida maka sei uza, saida maka la presiza uza iha nia instituisaun laran.

Hanoin fali ba saida maka Comissário Adjunto CAC (Comissão Anti Corrupção), dehan iha ninia aprezentasaun iha workshop loron 3 fulan Setembru 2013 iha Hotel Ramelau, Díli, katak instituisaun ida-idak iha “nia maneira rasik” atu halo prevensaun ba mal-utilizasaun rekursus estadu nian, maibé ita hotu iha objetivu ida deit maka atu halo prevensaun, nune’e mós maka formasaun ka estajiu iha rai liur, maski ida-idak iha ninia maneira maibé objetivu ida deit maka halo servisu ho di’ak no profisionalismu.


Departamentu Media SEII | Author : Nug
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00667301

Ohin loron : 153
Hits ohin loron : 1534
Total : 123394
Hits : 667301
Online : 2