» Notisias

Segunda, 23 Juli 2012

Kapasitasaun ba Funionáriu SEPI Sira iha Jogjakarta

Nuudar atividade ida hodi hasae kapasidade institusionál, SEPI haruka funsionáriu nain tolu atu tuir treinamentu iha Jogjakarta, Indonesia iha loron 23 to’o loron 27 fulan Jullu 2012. Treinamentu ne’ebé hala’o husi Universitas Gadjah Mada (UGM) nee halo iha area Orsamentu Sensivel ba Jéneru, Metodolojia Peskiza ho Perspetivu Jéneru, no Ánaliza Lei ho Perspetivu Jéneru. Funsionáriu ne’ebé tuir treinamentu ne’e maka Herminio Xavier (Xefe Departementu Peskiza i Ánaliza Polítika Jéneru) iha área Metodologia Peskiza ho Perspetivu Jéneru; Celeste R.M. Gonçalves (tékniku profisionál Departementu Lejislasaun); no José do Rosario de Carvalho (tékniku profisionál Departementu Peskiza i Ánaliza Polítika Jéneru) iha área Orsamentu Sensivel Jéneru.
Treinamentu ho tema Metodolojia Peskiza ho Perspetivu Jéneru no Ánaliza Lei ho Perspetivu Jéneru, ne’ebé partisipa husi Hermínio Xevier (Xefe Departementu Ánaliza Polítika Jéneru) no Celeste R.M. Gonçalves (tékniku profisionál Departamentu Lejislasaun) ne’e hola fatin iha University Club UGM Yogyakarta durante loron lima (5).

Treinamentu ne’e hato’o husi dosente husi UGM sira ne’ebé péritu iha área jéneru ninian. No ema hirak ne’e mak hanesan: Prof. Dr. Moh. Mohtar Mas’oed, Ir. Harsoyo, M.Ext. Ed., Dra. Sri Djoharwinarlien, S.U., Sri Natin, S.H.,S.U., Dr. Ari Hermawan, S.H., M. Hum. Dr. Sulastriyono. S.H., M.Si.

Treinamentu hahu iha loron 23 to’o 27 Jullu 2012. Iha loron primeiru partisipante sira aprende kona-ba konseitu, teoria no asuntu jéneru iha nível globál no nasionál (aprezenta husiProf. Dr. Moh. Mohtar Mas’oed; oinsa atu halo ánaliza, metodolojia no ezemplu kona-ba halo peskiza jéneru ninian (Sr. Ir. Harsoyo, M.Ext. Ed.); no halo kazu estudu no tékniku halibur dadus ne’ebé responsivu jéneru (Dra. Sri Djoharwinarlien, S.U.).

Iha loron segundu aprende ba asuntu jéneru no ánaliza jéneru iha lei tradisionál (Sri Natin, S.H.,S.U.); asuntu jéneru no ánaliza jéneru ba polítika lei no ninia implementasaun (Dra. Sri Djoharwinarlien, S.U.); ánaliza jéneru ba lei traballu no ninia implementasaun (Dr. Ari Hermawan, S.H., M. Hum.)

Iha loron datolu partisipante sira estuda kona-ba lei ba kazamentu no eransa (Sri Natin, S.H.,S.U.); violénsia doméstika no violénsia jeral (Sri Natin, S.H.,S.U.); asuntu jéneru no ánaliza jéneru iha meio ambiente (Dr. Sulastriyono, S.H., M.Si.). Loron dahaat apriende hakerek proposta peskiza ne’ebé responsivu ba jéneru (Ir. Harsoyo, M.Ext.Ed.). Iha loron ne’e ekipa SEPI hamutuk ho komisaun organizadora treinamentu UGM ba halo observasaun iha Bantul Jogjakarta hodi hare besik liu tan atividade ne’ebé envolve husi feto sira hodi halo dosi no fa’an ba loja sira ne’ebé hala’e ilha Java Indonesia.

Loron lima mak kompleta hakerek proposta peskiza ninian no aprezenta proposta final (nafatin asiste husi Ir. Harsoyo, M.Ext.Ed.)

Durante prosesu treinamentu, sistema ne’ebé aplika mak sistema sesaun dialogu entre treinador no partisipantes. Esbosu proposta ba peskiza ne’ebé hakerek ninia objetivu mak atu fasilita no hakle’an liután końesementu partisipante sira kona-ba lala’ok ka prosesu hakerek proposta ne’e rasik, inklui metodu hakerek sistematika proposta peskiza ninian. Esbosu ida ne’e sai mós hanesan proposta final ida hodi prepara ba peskiza iha tinan 2013 ho tema ne’ebé deskute no hakerek ona iha proposta refere.

Iha esperiénsia foun iha treinamentu ida ne’e mak partisipante sira iha mós oportunidade hodi halo vizita ba iha fatin industria doméstika rua ne’ebé iha fatin ida maioria servisu na’in sira feto, no mane sira iha oituan deit. Iha oportunidade ida ne’e, partisipante sira mós hetan oportunidade hodi halo intervista badak hodi husu esperiensia kona-ba istoria ejistensia husi industria ne’e rasik inklui industria doméstika refere fo servisu ba komunidade ne’ebé hela hale’u fatin refere persentajen hira, no seluk-seluk tan.


Departamentu Media SEII | Author : Media_SEPI
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00667767

Ohin loron : 10
Hits ohin loron : 53
Total : 123460
Hits : 667767
Online : 2