» Notisias

Kuarta, 16 November 2016

SEM partisipa iha Formasaun kona-ba Jéneru no Dezenvolvimentu iha Repúblika Popular Xina

Ekipa SEM ba vizita Beijing, Repúblika Popular Xina hodi partisipa iha kolokiu kona-ba “Gender and Development for Female Officials from Developing Countries in 2016” ka “Jéneru no Dezenvolvimentu ba Ofisiais Feto sira husi Nasaun Sei Hala’o Dezenvolvimentu Hela”. Kolokiu ne’e Minisériu Komérsiu Repúblika Popular Xina mak hala’o husi loron 20 Outubru to’o 30 Outubru 2016.

Ekipa SEM ne’ebé hola parte iha atividade ne’e mak: Sra. Angelina Mendonça (Gabinete Sekretaria Estadu), Sra. Elfrina Ly da Cruz (Xefe Departamentu Monitirizasaun & Avaliasaun), no Sra. Maria Eusebia de Lima (Xefe Departamentu Finansas).

Iha atividade ne’e sira aprende kona-ba asuntu oi-oin, hanesan: “Reprezentasaun Internasionál Feto sira-nia vs Kultura Tradisionál Xina,” “Feto Profisionál,” “Evolusaun Lejislasaun kona-ba Direitu Feto iha Xina,” “Aprende Xina husi Perspetiva Filosofia,” “Komunikasaun Inter-Kulturál hodi Entende Kultura Xina nian,” “Feto iha Dezenvolvimentu Sosiál,” “Prátika Organizasaun Feto nia Prestasaun,” no “Abordajen Integrada Jénerju iha Xina.”

Seluk husi aprende asuntu sira-ne’e iha aula-laran, partisipante sira mós hala’o vizita ba fatin-fatin relevante. Iha sidade Beijing, sira ba Summer Palace, Beijing Square, Forbidden City, Tienanmen Square, Museu Beijing, Great Wall.

Hotu tiha vizita iha sidade Beijing, sira kontinua ba Provinsia Hangzou. Iha ne’eba sira haree indústria artezanatu husi “kain sutra” no grupu feto ne’ebé hala’o negosiu kona-ba “textile”, sentru akonsellamentu ba fen no laen, fatin rejistu sivil, soru hena, no fabrika elektronika ne’ebé lidera husi feto.

Seluk husi ne’e, sira halo vizita ba suku Zhuge ne’ebé halo uma diagram walu, vizita ba fatin turismu, museu, Universidade Normal Ziangzing, Museu Afrika no mós ba vizita suku ida naran Jinhua.


Departamentu Media SEII | Author : Nug
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00665975

Ohin loron : 30
Hits ohin loron : 208
Total : 123271
Hits : 665975
Online : 2