» Notisias

Kuarta, 13 Februari 2013

SEPI atu muda husi Palácio do Governo

Sekretaria Estadu ba Promosaun Igualdade iha tempu badak sei muda ba fatin eis UNMIT iha Caicoli. Muda fatin ne’e bazeia ba despaxu husi Primeiru Ministru Sr. Xanana Gusmáo ne’ebé hato’o ba Sekretaria Estadu ba Promosaun Igualdade (SEPI) iha fulan Fevereiru ne’e.

Iha loron Segunda-Feira, 4 Fevereiru ne’e ekipa SEPI ne’ebé mak kompostu husi Diretór Nasionál Polítika Dezenvolvimentu Jéneru Sr. Armando da Costa, Xefe Departamentu Rekursus Umanus Sra. Maria Esperança Martins hamutuk ho Xefe Departamentu Finansas Sra. Maria Eugebia de Lima ho Xefe Departamentu Administrasaun Sra. Marcelina Benevides ba haree ba fatin ne’ebe oferese husi Primeiru Ministru ba SEPI iha Caicoli. Fatin ne’ebé mak SEPI sei prensia iha edifisiu ne’e, ho ninia kapasidade kuartu ne’ebé ninia espasu fíziku di’ak atu bele halo servisu ba.

Tuir observasaun ne’ebe ekipa SEPI haree katak fatin ne’e di/ak para bele halo servisu ba, hodi hein edifisiu foun ne’ebé mak SEPI sei halo iha tinan hirak tuir mai ne’e. Iha uma permanente tolu, uma ida kompostu husi kuartu 4 to 8, no “Kobe house” ida.


Departamentu Media SEII | Author : Luisa da Silva
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00665852

Ohin loron : 10
Hits ohin loron : 85
Total : 123251
Hits : 665852
Online : 2