» Notisias
Kuarta, 25 Maret 2015
Asosiasaun Feto Manatuto fó Tulun ba Labarik Aleijadu iha Suku Kribas
![](foto_nuticia/AFEMAedt.jpg)
Asosiasaun Feto Manatuto (AFEMA) hala’o atividade fó asisténsia sosiál ba família hirak ne’ebé kbiit laek iha área remota. Atividade ne’ebé hala’o iha 23 Marsu 2015 ne’e mós hodi komemora Loron Internasionál Feto 8 Marsu ne’ebé mundo tomak selebra.
Sra. Clara de Carvalho nu’udar Prezidente AFEMA hatete ba Lian ba Igualdade katak atividade fahe hahán no sasan seluk ne’e hala’o iha Suku Kribas, Postu Administrativu Manatuto. Wainhira iha suku ne’e, AFEMA mós identifika família ida ne’ebé durante tinan tolu (3) marjinalizadu husi komunidade tanba sira ne’e uluk hala’i ba Timor Osidentál no fila hikas mai tiha ona sira-nia suku. Família ne’e kompostu husi membru na’in hitu, no oan feto na’in rua ho kondisaun la di’ak (aleijadu), ida tinan 10 no ida seluk tinan 6. Família husi Sr. Saturnino Alves (idade mais ou menos tinan 40) ne’e to’o agora seidauk rejistu ba kartaun eletorál ka billete identidade. Sira mós to’o agora seidauk hetan ajuda ruma husi Ministériu Solidariedade Sosiál ka husi instituisaun seluk. Tuir, Sra. Clara de Carvalho, AFEMA kontaktu tiha ona MSS no Ministériu Administrasaun Estatál (MAE) hodi informa sira kona-ba situasaun família Sr. Saturnino Alves ne’e. MAE fó kedas atendementu ba família ne’e, trata sira nia kartaun eletorál no MSS mós responde no fó ajuda ba labarik aleijadu sira.Departamentu Media SEII | Author : Nug
Agenda
9 - 10 Maio 2016
Empoderamento Económico da Mulher, Género e Globalização8 Marsu 2016
Hamutuk, Hametin no Haburas Igualdade Jéneru iha Timor-LesteLoron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Diskursu
04 Oktober 2017
Deskursu Board Rede Feto iha Serimonia HandOver Servisu SEM ba SEIGIS
15 November 2013
Diskursu Sekretariu Estadu ba Assuntu ASEAN Sr. Roberto Sarmento de Oliveira Soares Iha Loron Nasional Feto
15 November 2013
Hateten Lae ba Violensia Domestika, Hamutuk ita Servisu ba Dezenvolvimentu Nasional
Arkivu
Statistika Vizitantes
![]() | : 125 |
![]() | : 818 |
![]() | : 142711 |
![]() | : 964067 |
![]() | : 4 |