» Notisias

Sesta, 28 Setembru 2018

SEII Simu Vizita Delegasaun husi MCC

Sekretária Estadu ba Igualidade Inkluzaun Sra. Maria José da Fonseca Monteiro de Jesus, simu vizita delegasaun husi MCC iha kinta 27 Setembru 2018, iha Salaun Maria Tapo Caicoli Dili.

Objetivu husi vizita ne’e desezu MCC nia apoiu programa ne’ebé trasa hela, liliu programa kona-ba Atu Redus Kiak Iha Area Sosiu Ekonómiku nian, ne’ebé prosesu dezenvolve hela ka dezeña programa ba tinan lima (5).

Iha vizita ne’e ekipa MCC konsulta mós ho SEII atu hatene SEII nia opiniaun husi perspektiva jéneru ba iha programa ne’ebé MCC sei dezeña, atu nune’e programa ne’ebé sei dezeña no wainhira implementa tenki benefisiu mós ba feto Timor-Leste.

Iha sorumutu ne’e SEII proposta hela ba MCC atu konsidera maka hanesan, oinsa bele apoiu atu estabelese programa integridade iha munisipiu hotu, nune’e mós koalia kona–ba oinsa bele apoiu hadia feto rural sira nia moris liu husi deklarasaun Maubisse ne’ebé hodi hasae komitmentu Governu nian ho Ministerio Relevante sira ne’ebé sei asina fali iha loron 12 fulan Outubru, nomós koalia kona-ba oinsa bele apoiu asegura katak feto iha Empresaria ki’ik sira bele asesu ba finanseiru publiku ne’ebé iha bele hetan asesu ba kreditu.

Simu vizita korteizia ne’e partisipa mós husi Diretur Jéral Sr. Armando da Costa, Xefe Gabinete Sr. Tito Freitas Moreira.


Departamentu Media SEII | Author : Media_SEII
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00380419

Ohin loron : 40
Hits ohin loron : 148
Total : 89234
Hits : 380419
Online : 3