» Notisias

Kuarta, 13 Marsu 2019

Ekipa SEII partisipa iha enkontru Ministeriál Nasaun membru CPLP ba Asuntu Igualdade Jéneru iha Misaun Permanente Cabo Verde iha Nova Yorke

Loron 13 fulan Marsu tinan 2019 - Iha loron datolu dader, S.E. Sekretária Estadu ba Igualdade no Inkluzaun Sra. Maria José da Fonseca Monteiro de Jesus no ekipa partisipa iha enkontru Ministeriál Nasaun membru CPLP ba asuntu igualdade jéneru iha Misaun Permanente Cabo Verde iha Nova Yorke. Sorumutu ne’e lidera husi S.E. Sra. Maritza Rosabel, Ministra Edukasaun no Igualdade Jéneru husi Cabo Verde.

Sorumutu ne’e ko’alia kona-ba preparasaun reuniaun Ministerial asuntu jéneru no empoderamentu feto husi nasaun membru CPLP, ne’ebé sei realiza iha loron 4-6 fulan Novembru tinan 2019 iha Cabo Verde. Tema ne’ebé konkorda atu foka maka “Kombate Violénsia Bazeia ba Jéneru no Feminisídiu.”

Iha oportunidade hanesan, deside mós atu nasaun membru sira prepara relatóriu ba implementasaun planu asaun 2018 ne’ebé konsidera tinan 2018 hanesan “Tinan kontra violénsia hasoru feto no labarik feto” ba CPLP.

Aliende mós deside atu realiza sesaun paralelu ida kona-ba asuntu jéneru iha fulan Jullu 2019, iha Nova Yorke, tanba iha fulan refere sei akontese enkontru relasiona ho ODS. Depois enkontru CPLP, delegasaun Timor-Leste kontinua partisipa iha sesaun plenária enkontru CSW 63 iha edifísiu UN.


Departamentu Media SEII | Author : Media_SEII
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00381485

Ohin loron : 65
Hits ohin loron : 305
Total : 89411
Hits : 381485
Online : 2