» Notisias

Sesta, 23 Agostu 2019

Kongresu Asosiasaun Feto Potensiál Munisípiu Viqueque-AFVIQ ba da-ruak

VIQUEQUE,23/08/2019-S.E. Sekretária Esatdu ba Igualdade no Inkluzaun Sra. Maria José da Fonseca Monteiro de Jesus hamutuk ho membru GMPTL Distinta deputada Sra. Gabriela Alves no deputada Sra. Rosalina Ximenes inklui Prezidente grupu traballu jéneru Sr. Gregorio Henriques loke kongresu Asosiasaun Feto Potensiál Munisípiu Viqueque-AFVIQ ba da-ruak ho tema hakbit partisipasaun feto ba dezenvolvimentu lokál ne’ebé sustentavel no inklisivu.

Iha intervensaun S.E. hakarak asosiasaun ne’e bele prepara feto potensiál sira iha munisípiu atu hakat ba oin hodi ko’alia kona-ba nesesidade feto nian as liu interese grupu nian, ita labele partidariza no politiza hodi taka dalan ba feto maluk sira, ita tenke hamutuk apoiu maluk feto ne’ebé kandidata-an ba lideransa iha nível aldeia to nasionál atu sira bele asegura interese feto. Hafoin loke kongresu S.E. akompaña husi Diretora (DNAIJKF) Sra. Maria Filomena Babo Martins halo sorumutu koordenasaun ho prezidente autoridade munisípiu atuál prezidnte grupu traballu jéneru no grupu traballu jéneru liña ministeriál hodi haree progresu serbisu no dezafiu ne’ebé mak durante ne’e hasoru. .

Uza biban ne’ebé iha S.E. hamutuk ho membru GMPTL halo vizita ba VPU munisípiu Viqueque Vila. Iha kongresu sesaun loraik nian S.E. ho ekipa halo mós vizita ba sentru formasaun profesionál beasu hodi observa kondisaun no partisipasaun feto iha sentru formasaun refere. Aleinde ne’e halo mós vizita ba família vulneravel Sra. Judit da Costa iha aldeia Lamak Laran ne’ebé hetan apoiu fundus transferénsia públiku ne’ebé SEII oferese. .


Departamentu Media SEII | Author : Media_SEII
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00383401

Ohin loron : 49
Hits ohin loron : 127
Total : 89854
Hits : 383401
Online : 1