» Notisias

Tersa, 21 Maiu 2013

Feto nia Lian ba Estabelesimentu Munisipiu iha Dili

Iha loron 3 fulan Maiu 2013, reprezentante feto husi suku hotu-hotu Distritu Dili halibur hamutuk iha salaun Distritu Dili hodi halo diskusaun kona-ba sira-nia hanoin kona-ba estabelesimentu Munisipiu iha Dili. Tuir mai mak rezultadu husi diskusaun nee neeb sei lori ba hatoo iha konsultasaun neeb Primeiru Ministru halao iha loron 25 fulan Maiu 2013.

Feto nia Lian ba Estabelesimentu Munisipiu iha Dili

Konstituisaun Repblika Demokrtika Timor-Leste tau importansia ba desentralizasaun no poder lokl neeb hakerek iha artigu 5 no 72. Atu implementa politika desentralizasaun, Governu hakerek ona esbozu lei desentralizasaun, halao ms kapasitasaun oin-oin ba rekursus humanus no harii infra-estrutura bziku importante liu hosi programa PDD, PDID no programa seluk ms. Poltika desentralizasaun sai buat neeb importante liu iha 5 Governu Konstitusional neeb estabelese Sekretariu Estadu ba Asuntu Desentralizasaun no Administrasaun ( SEDA) iha tinan 2012. Desentralizasaun nia objetivu mak atu hakbesik governo ba povo atu bele fo asistnsia neebe diak no servi diak ba povo hodi resolve problema mukit, atu hili lideransa lokl neeb bele halao transformasaun iha komunidade laran, atu komunidade bele partisipa diak iha dezenvolvimentu lokl, atu bele dezenvolve valores kulturais iha fatin neeb refere neeb sai identitas kultura lokl neeb sei hametin kultura nasionl.

Distritu Dili hanesan distritu neeb iha kapital ho pozisaun jeografika iha luan hamutuk 372 km2 ho totl populasaun 234.026 neeb kompostu husi mane hamutuk 124.388 no feto hamutuk 109.638 tuir Sensu 2010. Distritu Dili iha subdistritu 6, suku 31 no aldeias 241. Distritu Dili iha potensia naturais neeb furak neeb kontribui ba turismu. Iha potensia rekursus humanus neeb naton atu bele implementa munisipiu, iha ms potensia ekonomia neeb boot hodi kontribui ona ba taxa no ba rendimentu orsamentu estadu nian, iha ms dezenvolvimentu infra-estrutura no dezenvolvimentu setores oin-oin neeb fokus liu iha Dili hanesan sidade kapital.

Feto hanesan ajensia ba dezenvolvimentu kontribui ona ba prosesu dezenvolvimentu iha ami nia distritu Dili, liu husi hakbiit ekonomia feto hodi asesu ba merkadoria. Ami nia negosiu kiik neeb ami estabelese ona mak hanesan produs produtu lokl hanesan homan, soru tais, hahan tradisionl, budu tasi, aifrina, halo boneka, no selu-seluk tan neeb halao iha sub-distritu 6. Ami loke rasik kampu servisu no f oportunidade ba feto atu prtika no hatudu sira nia kbiit no abilidade no fo korajen ba feto atu partisipa iha prosesu dezenvolvimentu ekonomiku hodi nunee ami bele kontribui ba hamenus kiak. Iha ms rekursus humanus feto neeb diak atu apoiu ba prosesu no implementa munisipiu iha Dili. Ami ms iha prosesu atu rekolla dadus kona-ba feto iha nivel edukasaun ho rea oin-oin noms feto neeb iha potensi oin-oin neeb bele partisipa no lidera iha dezenvolvimentu lokl.

Hosi rekursus neeb ami iha, ami fiar katak ami SIMU no PRONTO atu implementa munisipiu neeb sei implemeta iha tinan hirak tuir mai.

Tuir mai rea prioridade neeb presiza tau atensaun ba mak hanesan:

1. Asegura Feto nia Partisipasaun iha Vida Politika no Foti Desizaun
Ami orgullu ho dezenvolvimentu neeb halao iha nasionl liu-liu iha dezenvolvimentu feto iha poltika neeb hatudu ba mundu katak feto nia partisipasaun iha poltika aas tebes ho 38% maib haree ba iha nivel lokl hanesan iha konsellu suku no xefe suku, feto nia partisipasaun sei minimu tebes hanesan iha 14% feto sai membrus konsellu suku noms iha 2% maka iha kargu xefe konsellu suku. Iha Distritu Dili, la iha feto ida mak sai xefe suku. Nee duni ami rekomenda ba Primeiru Ministru ho Ministeriu relevante atu asegura katak iha prosesu atu harii munisipiu nee, importante teb-tebes feto nia partisipasaun iha estrutura liu hosi mekanisme estabelesimentu Komisaun Instaladora ba Preparasaun Munisipiu noms atu asegura feto nia partisipasaun iha eleisaun Cmara Municipal.

2. Asegura Poltika, Programa no Orsamentu neeb Halao iha Nivel Munisipiu Promove no Proteje Feto
Konstitusaun RDTL promove igualdade jneru no Estadu ratifika Konvensaun CEDAW noms poltika Abordagen Integrada Jneru. Nee duni importante teb-tebes atu asegura feto nia partisipasaun no envolvementu iha dezeu no hamosu esbosu regulamtu, politika atu asegura regulamentu no politika hirak nee, bele promove igualdade jneru no proteje feto liu-liu iha problema trfiku humanu no prostituisaun, adulteriu (perselingkuhan), droga, pornografia neeb sai hanesan problema iha distritu Dili nee.

3. Kapasitasaun ba Feto
Atu asegura katak planu, implemetasaun ba programa no orsamentu neeb diak no f benefisu ba komunidade iha nivel munisipiu, ami presiza kapasita an atu bele sai lideransa tranformativa neeb iha kapasidade lideransa no jestaun neeb diak, atu asegura ninia implementasaun neeb bele benefisia sosiedade iha Distritu Dili, nee duni ami rekomenda ba nivel nasionl atu apoiu nafatin ami atu halo planu no orsamentu neeb diak atu responde ba nesesidade feto no benefisiu ba feto liu hosi kapasitasaun oin-oin iha jestaun, lideransa no halao monitorizasaun no evalusaun ba programa neeb halo iha nivel munisipiu.

4. Ambiente
Atu asegura Dili sai sidade neeb livre husi foer, be sae/inundasaun, no dezastre naturais oin-oin, Ami hanesan feto neebe hakarak moris iha ambiente neeb saudavel no livre husi dezastre naturais oin-oin, ami sei kontribui ba halo jestaun ba lizu no asegura katak animal hirak iha fatin prpiu no halo jestaun lixu neeb diak. Ami presiza kria servisu hamutuk ho entidade tomak iha suku laran atu bele responde ba lixu hirak neeb iha. Hodi nunee bele halo Dili sai municipiu ida nebe ms, saudavel, no furak.

5. Be Mos no Sanitasaun
Ami mos kontribui atu halo jestaun diak ba be mos tanba be mos liga ho ami nia an rasik, ami nia vida lor-loron nia, ami nia famlia no ami nia uma laran rasik tanba be mos sai hanesan parte importante iha ami nia moris loron-loron nian.

6. Sade Reprodutiva no Luta Hasoru Moras HIV/SIDA
Ami hakarak kontribui no kopera hamutuk ho identidade tomak iha rea sade nian no edukasaun, noms famlia atu hamutuk bele hamenus problema neebe feto foin-sae ka feto sira hasoru hanesan soe bebe no abortus liu husi edukasaun planeamentu famlia no mos edukasaun moral ba feto sira bele prepara an didiak atu sai joven ida neeb respeita ba sira nia an rasik noms respeita ba ema seluk nia moris. Noms kontribui atu fahe informasaun kona-ba moras hadaet HIV/SIDA atu komunidade kompriende no hases an husi moras hadaet hirak nee.

7. Harii Dame
Ami mos hakarak partisipa iha prosesu hari dame iha komunidade nia laran atu nunee bele kria mekanizmu atu hadia problema hirak neeb akontese ba feto sira hanesan problema violnsia domstika no violnsia seksul, no problema diskriminasaun oin-oin iha sira nia moris atu feto sira bele moris hakmatek no sente seguru iha familia no komunidade nia laran.

8. Turismu
Ami feto iha Distritu Dili haknaar an iha atividade oi-oin hanesan halao negosiu kiik, loke restorante, produsaun hahan lokl, artezanatu, cozinhera, noms talente iha muzika, dansa no desportu. Nee duni ami presiza iha formasaun ba kapasitasaun hodi hasae koesementu no abilidade iha lingua, hygiene, hospitalidade hodi kontribui ba dezenvolvimentu turismu iha Dili.

9. Negosiu Kiik
Ami feto barak liu mak halao knaar iha negosiu kiik nee duni ami presiza promove produtu lokl atu halao deversifikasaun ba hahan, hatais liu hosi Tais neb ami soru atu hatudu identidade Timor-Leste nian atu nunee bele hamenus dependensia ba hahan importa nia noms hasae rendimentu uma kain ka familia nian.

Atu halao rekursus hirak neebe ami iha, ami presiza tulun hosi Governu sentral atu kapasita ami halao ami nia knaar iha munisipiu no ms estabelese rede servisu hamutuk ho munisipiu hirak neeb besik hanesan Liquia, Aileu no Manatuto tanba iha fronteira rai no tasi (maritime). Ami Feto PRONTO no SIMU wainhira Dili sai hanesan munisipiu ida. Obrigada Wain.


Departamentu Media SEII | Author : Nug
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00944257

Ohin loron : 42
Hits ohin loron : 802
Total : 137322
Hits : 944257
Online : 2