» Notisias

Sesta, 09 Novembru 2013

Sorumutu Bilateral Maratona SEPI ho Indonesia, Australia no Thailandia

Sekretria Estadu Sra. Idelta Rodrigues halao sorumutu bilateral ho delegasaun husi Indonesia, Australia no Thailandia neeb mai partisipa Selebrasaun Loron Nasionl Feto Timor-Leste iha Ministriu Negsiu Estrangeiru iha Sabadu, 9 Novembru 2013.

Iha sorumutu ho rai tolu nee kualia kona-ba oinsa servisu hamutuk kona-ba promosaun igualdade no fahe informasaun prosesu servisu promosaun igualdade jneru nian iha idak-idak nia rai.

Sorumutu dahuluk Skretaria Estadu ho Delegasaun Indonesia neeb lidera husi Sra. Linda Amalia Gumelar, Menteri Negara Pemberdayaan Perempuan dan Perlindungan Anak (PP-PA RI) halao iha tuku 9.30 dader.

Iha Sorumutu nee Sra.Gumelar hatoo parabens ba feto Timor-Leste tomak no hatoo ms obrigadu barak ba SEPI tanba konvite nia hodi mai partisipa komemorasaun Loron Nasionl Feto ba dala 36.

Hau haksolok bele mai iha Timor-Leste asiste selebrasaun nee neeb lao furak tebtebes no hau haree ema hotu haksolok, dehan Sra.Gumelar.

Iha tempu hanesan Sekretria Estadu ba Promosaun Igualdade, Idelta Rodrigues fahe ms informasaun kona-ba prosesu servisu Violnsia Bazeia ba Jneru inklui Violnsia Domstika nian ba bainaka sira husi Indonesia.

Iha 2009, Parlamento Nasional Timor-Leste hasai Resolusaun kona-ba Gender Responsive Budgeting, no tuir mai Primeiro Ministro no Ministra Finansa hasai Karta Sirkulr katak orsamentu anual ba kada ministeriu tenki aloka ms orsamentu ba servisu igualdade jneru nian. Governo nia programa ms hateten katak Lae ba Violnsia no Toleransia Zero dehan Sra. Idelta Rodrigues.

Sra. Linda Gumelar hateten katak servisu neeb Timor-Leste halao iha area igualdade jneru tuir nia haree lao furak tebes no nee hanesan inspirasaun ba Indonesia.

Iha Indonesia ami foin mak luta oinsa iha Lei ida neeb bele sai base legal ba ami, maibe iha Timor-Leste hau haree imi servisu diak liu fali ami, hatutan Sra. Gumelar.

Hau foin enkontru ho delegasaun Indonesia Sekretria Estadu Sra. Idelta Rodrigues hasoru malu ms ho Sra. Herinder Sihdu, Primeiru Secretariu husi Ministeriu Negosiu Estrangeiru, Australia.

Iha sorumutu entre Timor-Leste ho Australia, Sra. Sihdu fahe esperiensia Australia no hateten katak foin ba dala uluk iha Australia nia istoria feto kaer kargu ministra Negsiu Estrangeiru. Husi 1940 too periodu governu uluk mane deit mak domina. Ida nee buat foun ida ba ami, haklaken Sra. Sidhu.

Ami haksolok imi halo selebrasaun furak no estudantes sira ms hatudu dansa furak tebes

Iha tempu hanesan Sra. Idelta Rodrigues fahe mos informasaun kona-ba prosesu servisu Sekrataria Estadu ba Promosaun Igualdade durante nee no relasaun servisu ho governo Australia.

Iha loron hanesan, Sekretria Estadu ba Promosaun Igualdade Sra. Idelta Rodrigues simu ms bainaka husi Thailandia. Sorumutu bilateral ho Thailandia, Sra. Idelta isplika kona-ba rekursus humanus SEPI no oinsa buka dalan atu aumenta kapasidade funsionariu sira. Representate husi Thailandia hateten katak iha Thailandia iha universidade rua neeb hanorin programa estudu jneru nunee se SEPI hakarak haruka funsionaru ba kontinua estudu iha area jneru, sira bele fasilita.

Sorumutu Sekretria Estadu ba Promosaun Igualdade Sra. Idelta Rodrigues ho delegasaun Indonesia, Australia no Thailandia hotu ho diak no sei halo kolaborasaun servisu igualdade jneru nian diak liu tan iha futuru.


Departamentu Media SEII | Author : Carlito
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00944447

Ohin loron : 47
Hits ohin loron : 992
Total : 137327
Hits : 944447
Online : 2