» Notisias

Tersa, 16 Agustus 2016

Sorumutuk entre Governu Victoria, Australia no ekipa husi Instituisaun Governu Timor-Leste

Diretora Jerál SEM, Maria José Sanches hamutuk ho Diretór Diresaun Nasionál Polítika Dezenvolvimentu Jéneru (DNPDJ) Henrique da Silva, partisipa iha sorumutu entre Governu Victoria, Australia no ekipa husi Instituisaun Governu Timor-Leste hanesan Instituo Nasionál Administrasaun Públika (INAP), Komisaun Funsaun Públika (KFP), Inspeksaun Jerál Estadu (IJE) no Sekretaria Estadu ba Fortalesimentu Institusionák (SEFI) hodi halibur hanoin hamutuk kona-ba estratéjia kooperasaun Governu Lokál Victoria no Governu Timor-Leste.

Sorumutu ne’e organiza husi Gabinete Primeiru Minnistru no realiza iha Salaun Reuniaun Gabinete PM iha 16 Agostu 2016.

Iha sorumutu ne’e, Diretora Jerál SEM Sra. Maria José Sanches hato’o programa prioritáriu lima SEM nian no fahe mós informasaun kona-ba pontu situasaun rekursus umanus SEM.

Pontus sira ne’e sei sai hanesan dezafiu ida ba SEM atu responde ba implementasaun Abordajen Integrada Jéneru, Orsamentu Sensível ba Jéneru, CEDAW, Violénsia doméstika no Violénsia Bazeia ba Jéneru iha liñas ministeriais no iha Munisípiu sira.

Aporoveita mós oportunidadi ida ne’e, Diretora Jerál SEM husu ba Governu Victoria ne’ebé peritu ona iha área jéneru, karik bele konsidera mós asisténsia téknika ruma iha área jéneru.