» Notisias

Kinta, 13 Oktober 2016

SEM Selebra Loron Feto Rural hamutuk ho komunidade Suku Maudemo, Posto Admistrativo Tilomar, Municipio Covalima

Sekretaria Estadu ba Apoiu no Promosaun Sosiu Ekonómika Feto ( SEM ), Selebra Loron Feto Rural hamutuk ho komunidade Suku Maudemo, Posto Admistrativo Tilomar, Municipio Covalima

Iha Selebrasaun ne’ebe partisipa mo’os husi reprejentante linhas ministeriu no sekretaria Estadu nomos sosidade Civil sira maka hanesan Ministeriu Solidariedade Sosial, Sepfope no seluk - seluk tan, husi parte Sosiedade Civil mai husi Rede Feto, Caucus no ONG Lokal sira seluk iha Municipio Covalima, inklui mo’os husi parte seguransa hanesan PNTL no cheffe Suku sira hamutuk ho admistrador do Posto Tilomar hanesan mo’os representante admistrador Municipio ne’ebe iha loron ida antes selebrasuan ida ne’e hakotu i’is iha hospital Nasional Guido Valadares Dili

Selebrasaun ne’ebe hetan antisiismo makas husi comunidade Suku Maudemo no Suku rua seluk ne’e loke ho Um Minuto de Silencio husi Sélensia Sekrétariu Estadu ba Apoiu no Promosaun Sósiu Ekonómika Feto Sra. Veneranda Lemos hodi fo honra ba mak toban Sr. Jose Pina Cardoso ne’ebe nudar admistrador Municipio Covalima, iha tempo hanesan reprejenta admistrador Municipio ne’ebe nudar mo’os admistrador posto Tilomar Sr. Laurentino da Costa hato’o katak selebrasaun ne’e importante tebes ba comunidade suku maudemo no suku sira seluk tamba hanesan meius ida governo central liu husi Sekretaria Estadu SEM hodi fo korajen ba Feto Lokal sira atu oinsa ativu iha Eleisaun Suku mai nomos hanesan meius ida hodi relata programa governo ba komunidade hodi hatene dezemvolvimento ne’ebe lao dadauk ona tenik admistrador do Posto tilomar ne’e.

La to’o ba ne’e deit selebrasuan Loron Feto Rural ne’e iha mo’os sesaun dialogo hamutuk ho Comunidade suku tolu refere ne’ebe SEM fasilita orador mai husi ONG Caucus,Rede Feto no MSS, inklui Sepfope molok hahu dialogo iha intervensaun ba selebrasaun Loron Feto Rural Sekretaria Estadu SEM hato’o katak tamba sa maka SEM hili suku Maudemo hodi realija selebrasaun ne’e tamba, Suku Maudemo hanesan suku ida ne’ebe rural dunik iha Municipio Covalima hodi nune ohin SEM hamutuk ho linhas Ministeriu sira seluk no ONG sira mai hamutuk ho Comunidade Suku Maudemo no rua seluk hodi selebra hamutuk loron bo’ot feto rural nian no ho selebrasaun ida ne’e comunidade keta senti mesak tamba maske do’ok maibe Maudemo no suku rural sira seluk sai mo’os nudar area importante ba prosesu Dezemvolvimento rai ida ne’e tamba ida ne’e ohin SEM hakat mai to iha ne’e hato’o Sekretaria Estadu SEM Sra. Veneranda Lemos.

Sélensia Sekretaria Estadu mo’os hatutan katak oinsa dezemvilvimento atu lao diak iha rai ida ne’e liu -liu iha suku Maudemo no rua seluk maka importante povo tengki unidade no ema idak idak tengki senti nia a’an parte husi rai ida ne’e ho ne deit maka prosesu dezemvolvimento bele lao ho diak, liu - liu feto maluk sira labele hatun malu tempo ona feto hamutuk hodi kontribui ba Prosesu Dezemvolvimento Rai ida ne’e. Molok hakotu intervensaun Sekretaria Estadu mo’os husu ba feto sira atu bo’ok a’an haforsa moris iha Ekonomika tamba ho deit ekonomia forte maka bele halakon ou hamenos Violénsia Doméstika iha idak idak nia familia, Feto labele dependensia ekonomia ba deit mane sira maibe tengki hakas a’an halo negosiu atu nune bele ajuda mane ou katuas oan sira hodi sustenta uma laran no oan sira nia eskola tamba uma laran metin oan sira asesu ba eskola maka futuru rai doben Timor Leste sei sai diak liu tan compara ho agora.

Remata dialogo iha selebrasaun loron Feto Rural ne’e Sekretaria estadu hamutuk ho comitiva kontinua halao dialogo ho feto potensial Municipio Covalima iha centro Comunidade Covalima no halao mo’os visita ba Quartel PNTL municipio Covalima hadi hare direta servisu seksaun VPU ( Vanurabel Person Unit ) ba atende kaju ou problema Violensia Domestika no kaju sira seluk iha Municipio Covalima.

Covalima 13 Outubro 2016