» Notisias

Sesta, 04 November 2016

Formasaun kona-ba Parseria Ekonomia, Komérsiu no Investimentu iha Japaun

Funsionáriu SEM na’in tolu ba Japaun hodi partisipa iha JENESYS (Japan-East Asia Network of Exchange for Students and Youths) 2016 Inbound Programme ho tema Parseria Ekonomia, Komérsiu no Investimentu. Programa ne’e hala’o husi instituisaun JICE (Japan International Cooperation Center ka Sentru Kooperasaun Internasionál Japan), durante loron 25-31 Outubru 2016.

JENESYS maka programa husi Governu Japaun ho objetivu atu harii aliserse ba solidaridade iha Asia liuhusi interkambiu joventude entre nasaun sira. Iha tinan 2016 hala’o ba dala tolu ona, ho sub-tema tolu: (1) Feto Empreendedora: Arte Indústria Tradisionál (hala’o iha sidade iha sidade Aomori, Japaun); (2) Parseiru Ekonomia, Komérsiu, no Investimentu Grupu (iha sidade Aichi); (3) Sistema Distribuisaun no Teknolojia Informatika (iha sidade Gunma).

Partisipante sira husi SEM hamutuk partisipante sira seluk husi Timor-Leste partisipa iha subtema (1) hamutuk ho partisipante sira husi nasaun Filipina, Laos, no Myanmar. Subtema (2) no (3) hala’o ba partisipante husi nasaun sira seluk, hanesan: Afghanistan, Bangladesh, Bhutan, Brunei, India, India, Indonesia, Kambodia, Korea, Malaysia, Maldives, Mongolia, Nepal, Pakistan, Singapura, Sri Lanka, Tailandia, Vietnam, no Xina-Taipei.

Partisipante ba sub-tema 1, aprende kona-ba: Komérsiu, Indústria no Turismu; Atividade Promosaun Indústria Lokál; no Artezanatu Lokál. Materia ne’e hato’o liuhusi metódu rua: aprezentasaun husi espertu sira iha aula, observasaun iha kampu no hela hamutuk família to’os-na’in sira. Observasaun iha kampu sira hala’o iha Merkadu ba Produtu Agrikultura Sidade Nambu, Kooperativa Agrikultura Hachinohe, Fasilidade Peskaria iha Hachinohe, Museum Portal Hanchinohe. Partisipante sira mós hala’o interkambiu ho empresaria no hola parte iha Festival Universidade Gakuin Hachinohen.

Seluk husi materia sira-ne’e, partisipante sira mós simu esplikasaun kona-ba teknolojia ne’ebé utiliza ba infraestrura, transportasaun, jerensiamentu operasaun, jerensiamentu seguransa, no atendimetu ba povo ne’ebé sensivel ba ema vulverável no diak ba ambiente.

Partisipante husi Timor-Leste hamutuk ema na’in 22, ne’ebé mai husi Governu no organizasaun sosiedade sivil. Husi SEM maka ema na’in 3: Sra. Ana Conceição Godinho no Sr. Jerónimo Lemos (Departamentu Abordajen Integrada Jéneru) no Sra. Monica de Jesus (Diresaun Nasionál Administrasaun no Finansas.


Departamentu Media SEII | Author : Nug
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00665828

Ohin loron : 8
Hits ohin loron : 61
Total : 123249
Hits : 665828
Online : 3