» Notisias
Sesta, 09 Desember 2016
Semináriu Hakbiit Feto iha Programa Nasionál Dezenvolvimentu Suku
![](foto_nuticia/PNDS.jpeg)
Diretór Jerál Sekretaria Estadu ba Apoiu no Promosaun Sosiu-Ekonómika Feto (SEM) Sr. Armando da Costa partisipa no sai oradór ba semináriu “Patisipasaun No Hakbiit Feto iha Implementasaun Programa Nasionál Dezemvolvimento.” Semináriu ne’e organiza husi Programa Nasionál Dezenvolvimentu Suku (PNDS) Munisípiu Dili nian, iha Sentru Treinamentu João Paulo II, Comoro, Dili, iha loron 6 Dezembru 2016.
Iha semináriu ne’e, Diretor Jerál SEM hatete katak PNDS ida ne’e hanesan prosesu ida bele hakbiit feto atu patisipa iha nivél hotu. “Ita hakbiit partisipasaun feto iha polítika iha nivel suku, liuhusi servisu rasik no kria inovasaun rasik iha ida-idak nia suku,” katak Diretór Jerál. “Husu ba feto sira labele sai fali penonton ba atividade saida mak iha ita-nia suku. Feto sira tenke sai hanesan autór ba programa dezenvolvimentu ne’ebé bele lori benefísiu ba família no nasaun.” Diretor Jerál SEM Sr. Armando da Costa enkoraja feto sira atu fiar aan la’o ba oin no brani atu foti desizaun. “Maske tuir tradisaun mane mak deside buat hotu, maibé feto mós iha direitu atu foti desizaun. Feto ho mane nia ideia tau hamutuk mak bele atinje objetivu ida ne’ebé di’ak,” tenik Diretór Jerál. Iha eventu ne’ebé hetan partisipasaun husi Xefe Suku no Xefe Aldeia eleitu hudi Munisípiu Dili ne’e, Diretór Jéral Armando da Costa hato’o mós polítika SEM kona-ba igualdade jéneru no halakon violénsia bazeia ba jéneru ne’ebé oras ne’e dadauk la’o hela. Iha fatin hanesan eis-Sekretária Estadu ba Promosaun Igualdade Sra. Idelta Maria Rodrigues ne’ebé sai mós oradora husu ba feto Timor-Leste sira atu kore hanoin husi kultura no fiar aan atu bele involve aan iha programa PNDS. “Maske hahú husi servisu ki’ik ne’ebé feto hala’o hodi hasa’e ekonomia feto, atu bele fó benefísiu ba família no kontribui ba dezenvolvimentu Timor-Leste,” katak Sra. Idelta Maria Rodrigues.Departamentu Media SEII | Author : Julia
Agenda
9 - 10 Maio 2016
Empoderamento Económico da Mulher, Género e Globalização8 Marsu 2016
Hamutuk, Hametin no Haburas Igualdade Jéneru iha Timor-LesteLoron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Diskursu
04 Oktober 2017
Deskursu Board Rede Feto iha Serimonia HandOver Servisu SEM ba SEIGIS
15 November 2013
Diskursu Sekretariu Estadu ba Assuntu ASEAN Sr. Roberto Sarmento de Oliveira Soares Iha Loron Nasional Feto
15 November 2013
Hateten Lae ba Violensia Domestika, Hamutuk ita Servisu ba Dezenvolvimentu Nasional
Arkivu
Statistika Vizitantes
![]() | : 41 |
![]() | : 614 |
![]() | : 142627 |
![]() | : 963863 |
![]() | : 4 |