» Notisias

Kinta, 16 Agustus 2018

Sekretaria Estadu ba Igualdade no Inkluzaun Hatan ba Konvite Husi Komisaun F iha Parlamentu Nasional

Sekretaria Estadu ba Igualdade no Inkluzaun Sra. Maria José da Fonseca Monteiro de Jesus ho ekipa hatan ba Konvite husi Komisaun F hodi ba Aprezenta Orsamentu Jéral Estadu ba Uma Fukun Parlamentu Nasional iha Komisaun F. Partisipa iha programa ne’e Diretor Jéral Sr. Armando da Costa, Inspetora Auditora Sra. Maria José Sanches, Diretora Nasional Politika Abordajen Integrada Jéneru no Kapsitasaun ba Feto, Maria Filomena Babo Martins, Diretora Administrasaun no Finasas, Benigna Maria Amaral, Xefe Gabinete SEII Tito da Costa Freitas Moreira, ho Kargus Xefia sira.

Sra. Maria José da Fonseca Monteiro de Jesus hato’o katak objetivo hodi koalia kona-ba proposta orsamentu Sekretaria Estadu ba Igualdade no Inkluzaun nian ba tinan 2018, tanba sistema duo desimo ladun iha fleksibilidade ba Implementasaun SEII iha proposta orsamentu total $ 683.750,00 husi osan ne’e ba salariu no vensimentu $ 346.750.00, Bens de servisu $ 337.000.00.

Liu husi Bens de Servisus mak halo implementasaun ba atividades lubuk ida, tanba hare’e ba tempu ne’ebé badak tenta atu hare’e ba atividade ne’ebé mak ladun presija gastus makas, hanesan kontinua halo enkontru koordenasaun, ezemplu relatóriu ne’ebé sei submete ba Cedaw iha tinan oin ne’ebé sai relatóriu Timor-Leste nian tomak, kontinua halo formasaun no sensibilizasaun ba parte oi-oin hanesan Violénsia Bazeia ba Jéneru, Lei kontra Violénsia doméstika.

No oinsa parte oi-oiin servisu hamutuk hodi hamenus no hapara ida ne’e, kontinua servisu ho instituisaun oi-oin hodi implementa lei terras e propriedades ne’ebe mak asegura kona-ba feto mos iha Direitu ba terras e propriedade, nomos Akompañamentu ba grupu benefisiariu no fo apoiu finanseiru ba sira estabelese negosiu, nafatin halo Akompañamentu atu bele prepara no eleva sira atu bele sai impreza iha tempu badak.

Iha enkontru ne’e rasik husi Deputada sira mos foti kestaun kona-ba orsamentu ba atividade loron importante sira hanesan 15 de Outubru, 3 de Novembru no 16 Dias Ativismo Kontra Violénsia hasoru Feto.

Presidente Komisaun F Sra. Maria Gorumali Barreto hato’o katak enkontru ne’e hodi aprezenta programa, progresus no dezafiu ne’ebé SEII infrenta iha 2018, no buka solusaun atu bele hare hamutuk.