» Notisias

Kuarta, 19 September 2018

Sekretária Estadu SEII halao enkontru regular ba dahuluk ho Primeiru Ministru S. E. Sr. Taur Matan Ruak

Sekretária Estadu ba Igualdade no Inkluzaun Sra. Maria José da Fonseca Monteiro de Jesus, halao enkontru regular ba dahuluk ho Primeiru Ministru S.E Sr. Taur Matan Ruak, hodi hato‘o atividades SEII ne‘ebé maka implementa ona durante tempu iha mandatu Governu konstitusional daualu no atividades ne‘ebe maka sei kontinua implementa to‘o tinan remata. Sorumutu regular ne‘e halao hodi rona mós hanoin no orientasaun husi Primeiru Ministru relasiona ho asuntu jéneru tuir kontekstu Timor Leste nian, iha biban ne‘e mós Primeiru Ministru hato‘o nia apoiu tomak ba implementasaun politika no programa SEII nian.

Sorumutu dahuluk ne‘e realiza iha kuarta 19 setembru iha salaun Gabinete Primeiru Ministru Palacio do Governu. Sekretária Estadu ba Igualdade no Inkluzaun, akompaña mós husi Diretur Jéral Sr. Armando da Costa, Inspetora no Auditoria Sra. Maria José Sanches, Diretora DNAIGCM Sra. Maria Filomena Babo Martins nomós Diretora DNAF Sra. Benigna Maria Amaral.

Departamentu Media SEII | Author : Media_SEII