» Notisias

Segunda, 11 Maret 2019

Abertura sorumutu nivel Altu iha Nova-Yorke iha sesaun ba dala neen nulu-resin tolu (63)

Abertura sorumutu nivel Altu iha Nova-Yorke iha sesaun ba dala neen nulu-resin tolu (63) ne’ebé organiza hosi komisaun kona-ba estatutu ba feto (CSW).

Iha loron 11 Fulan Marsu Tinan 2019, S.E. Sekretária Estadu ba Igualdade no Inkluzaun Sra. Maria José da Fonseca Monteiro de Jesus ho ekipa partisipa iha abertura sorumutu nivel Altu iha Nova Yorke iha sesaun ba dala neen nulu-resin-tolu (63) ne’ebé organiza hosi organizasaun hosi komisaun kona-ba estatutu ba feto (CSW).

sorumutu ida ne’e realiza durante semana rua nia laran, hahú hosi loron 11 to’o loron 22 fulan marsu tinan 2019 no sei diskute kona-ba tópiku prioritáriu tolu (3) mak hanesan; sistema protesaun sosiál, Asesu ba Serbisu públiku no infraestrutura sustentável ba igualdade jéneru no hakbi’it feto no labarik feto.

iha loron hanesan iha sesaun lokraik nian, Sra. Maria josé da Fonseca Monteiro de Jesus mós halo intervensaun badak kona-ba progresu, prátika diak, estratéjia no medida espesiál ne’ebé Timor-Leste halo ona hodi asegura sistema protesaun social, asesu ba serbisu públiku no infraestrutura bázika ne’ebé sensivel ba jéneru inklui mós promosaun kona-ba partisipasaun feto iha setór oioin.

komisaun kona-ba estatutu ba feto(CSW), nudár entidade globál ne’ebé foka ba partisipasaun no nesesidade feto nian iha prosesu dezenvolvimentu inklui dezenvolvimentu komunitáriu no rurál, hapara violénsia kontra feto no labarik feto, serbisu agríkola, planeamentu famíliar no avansu sientífiku no teknolójiku.


Departamentu Media SEII | Author : Media_SEII
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00667010

Ohin loron : 112
Hits ohin loron : 1243
Total : 123353
Hits : 667010
Online : 5