» Notisias
Kinta, 14 Maret 2019
INTERVENSAUN IHA PLENÁRIA KONA-BA TÓPIKU PRIORITÁRIU TOLU IHA NOVA YORKE
![](foto_nuticia/interv_NY.jpg)
Iha loron 14 fulan Marsu tinan 2019, S.E. Sekretária Estadu ba Igualdade no Inkluzaun Sra. Maria José da Fonseca Monteiro de Jesus akompaña hosi Sra. Ambasadora Maria Helena de Jesus Pires, Reprezentante Permanente Misaun Timor-Leste nian ba Nasoens Unidas (ONU), halo intervensaun iha plenária kona-ba tópiku prioritáriu tolu (3): Sistema Protesaun Sosiál, Asesu ba servisu públiku, no Infraestrutura sustentável ba igualdade jéneru no hakbiit feto no labarik feto.
Iha intervensaun ne´e, Sekretária Estadu hato´o mós progresu signifikativu no prátika di´ak ne´ebé governu Timor-Leste halo ona bazeia ba tópiku prioritáriu tolu mak hanesan, programa Estrada ba Dezenvolvimentu (R4D) no Programa PNDS sai hanesan ezemplu di´ak iha tópiku infraestrutura sustentável ba igualdade jéneru no hakbiit feto no labarik feto no mós ba ema ho defisiénsia.
Programa sira ne´e hadi´ak ona padraun moris feto, mane, labarik feto no labarik mane iha área rurál. Iha intervensaun ne´e koalia mós kona-ba sistema seguransa sosiál ne´ebé hahú implementa ona iha setór públiku no setór privadu, no asesu ba servisu saúde ne´ebé di´ak ituan no kobre to´o área rurál ne´ebé rezulta ho redusaun iha taxa mortalidade inan no taxa mortalidade labarik no mós planu iha futuru kona-ba implementasaun polítika edukasaun inkluzivu no polítika fila-hikas (re-entry).
Departamentu Media SEII | Author : Media_SEII
![]() | : 46 |
![]() | : 624 |
![]() | : 142632 |
![]() | : 963873 |
![]() | : 6 |