» Notisias

Kinta, 07 Maret 2019

Selebrasaun Loron Internasionál Feto 2019, iha Munisipiu Liquiça

Kinta-Feira-07/03/2019, Sekretária Estadu ba Igualdade no Inkluzaun, S.Exa. Sra. Maria José da Fonseca Monteiro de Jesus, halo abertura selebrasaun Loron Mundiál ba Feto ho tema “ Hanoin Hanesan, hari’i ho Matenek no halo Inovasaun ba Mudansa” ne’ebé koopera ho Ministerio Negósius Estranjeirus no Kooperasaun (MNEC), Iha Salaun KONI-Munisipiu Liquiça.

Iha diskursu Sekretária Estadu hateten katak governu iha kompromisu a’as atu atinje ita nia mehi ba sosiedade ida ne’ebé justu no hanesan, nafatin kontinua halo esforsu hotu atu kria kondisaun ne’ebé fó protesaun no seguransa ba Timor-Oan feto, mane, ema vulneravel no ema sira iha risku.

Governu sei kontinua envolve komponente hotu iha ita nia sosiedade atu rona sira nia lian wainhira halo planeamentu ba investimentu públiku no infrastrutura sira atu nune’e bele sensivel ba jéneru no hatán ba nesesidade sosiedade nian.

Iha loron 4 fulan ida ne’e governu hamutuk ho Autoridade Munisipál no parseiru dezenvolvimentu lansa ona relatóriu Estudu esploratóriu kona-ba Sidade Seguru iha munisipiu Dili ne’ebé sai hanesan fonte imformasaun ida ba governu, sosiedade sivíl, no parseiru dezenvolvimentu sira atu kontinua halo advokasia no foti asaun no hatán ba Asédiu Seksuál no violénsia hasoru feto no labarik feto iha fatin públiku.


Departamentu Media SEII | Author : Media_SEII
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00667532

Ohin loron : 188
Hits ohin loron : 1765
Total : 123429
Hits : 667532
Online : 2