» Notisias
Segunda, 23 September 2019
SEMINÁRIU KONSULTASAUN NÍVEL MINISTERIÁL KONA-BA ESBOSU PLANU ASAUN NASIONÁL BA EMA HO DEFISIÉNSIA PERÍODU 2020-2024
![](foto_nuticia/work_emadefisiensia.jpg)
Dili, 23-09-2019: Sekretaria Estadu ba Igualdade no Inkluzaun realiza semináriu kona-ba Konsultasaun Nível Ministeriál Esbosu PAN ba ema ho defisiénsia periodu 2020-2024. Semináriu ne‘e ho objetivu atu asegura programa no orsamentu ne‘ebé inkluzivu ba asuntu defisiénsia hodi atinji objetivu dezenvolvimentu sustentavel “la husik ema ida iha kotuk”.
Liuhusi sesaun abertura Diretor-Jerál SEII, Sr. Armando da Costa hato‘o katak Nasaun Timor-Leste adopta mós Objetivu Dezenvolvimentu Sustentavel (ODS) ne‘ebé ho ninia prinsípiu “lahusik ema ida iha kotuk” katak ema ida-idak ho ninia situasaun, nesesidade no kondisaun lahanesan, tanba ne‘e maka presiza konsidera ema hotu, labele haree ba kór, rasa no ninia kondisaun fíziku no oinsá konsidera ema hotu iha laran. Dala barak iha nasaun demokrasia ema konsidera fatór sosiál ida ne‘e maka sai baze ida atu hala‘o dezenvolvimentu.
Nune‘e, iha sesaun loraik nian, iha mós aprezentasaun matéria kona-ba Planu Estratéjia SEII, polítika nasionál ba inkluzaun no promosaun direitu ba ema ho defisiénsia, asesibilidade ba ema hotu inklui ema ho defisiénsia, progresu formulasaun Planu Asaun Nasionál ba ema ho defisiénsia períodu 2020-2024 no diskusaun tékniku iha grupu kona-ba planu estratéjiku SEII nian.
Partisipante semináriu ne‘e mai husi Funsionária/u MSSI, ADTL, reprezentante hosi ajensia internasionál, ONG relevantes no Funsionáriu/a SEII rasik no hetan apoiu husi Embaixada Australia, MSSI, ADTL ho SEII.
Departamentu Media SEII | Author : Media_SEII
![]() | : 68 |
![]() | : 666 |
![]() | : 142654 |
![]() | : 963915 |
![]() | : 8 |