» Notisias

Kuarta, 03 Juli 2013

Kompetisaun Tein Tradisional iha Sub-distritu Venilale

Feto ho mane iha Distritu Venilale servisu hamutuk hodi halo atividade kompetisaun ba hahán tradisionál.

Iha loron 20 Maiu ema hamutuk na’in 25 ne’ebé mai husi suku 5 mak hanesan: Fatulia, Uai-oli, Wato-haco, Bado-Ho’o no Uailaha, mai tuir programa kompetisaun tein hahán local. Atividade ne’e halo hodi komemora Loron Restaurasaun Independénsia Timor-Leste ba dala sanulu resin ida (11) iha Sub-distritu Venilale. Programa ne’ebé organiza husi Venilale-oan sira ne’e hetan suporta husi grupu ida husi Australia ho naran Friends of Venilale (Maluk Venilale nian).

Objetivu husi kompetisaun hahán lokál ne’e mak: Hadomi hahán lokál, hetan vizita husi turista karik sira bele hatene no kompriende hahán lokál; Atu promove hahán lokál sai rendementu iha grupu iha suku 5 ne’ebé mak apresenta tiha ona sira-nia hahán local; Atu bele kompete iha merkadoria; Atu bele hadi’ak moris no aumenta kresimentu ekonomia iha base; Atu bele hetan rendementu hodi bele atende nesesidade família nian.

Iha kompetisaun ne’e juri mak fó valor ba kada grupu ne’ebé mak tuir kompetisaun ne’e. Juri fó oras rua deit ba grupu hotu hodi prepara sira-nia aprezentasaun hahán ne’ebé mak sira tein. Grupu sira hotu tein hahán uza material no substansia ne’ebé mak tradisionál hotu. Ne’e mak hanesan hahán lokál tein ho foos, maibé sistema ne’ebé uza mak tein foos mutin uza sana rai, no halo modo uza aitahan. Modo ne’ebé mak grupu sira halo iha oin lima mak hanesan: saboko uza bua nia tahan, tokir uza au, tein na’an uza sana rai, tunu ka lalar tu’u iha ai no tunu iha aiklak.

Grupu sira ne’ebé mak sai manan nain mak hanesan: primeiru lugar mak Grupu Uatu-Haco, segundu lugar mak Grupu Uailaha, terseiru lugar mak Grupu Uai-Oli, kuatru lugar mak Grupu Bado-Ho’o, no ikus kintu lugar mak Grupu Fatulia.


Departamentu Media SEII | Author : Nug
Loron Boot SEPI
Loron Internasionál Feto RuráL
Loron Nasionál Feto Timor-Leste
Kampaña Loron 16 Ativismu Kontra Violénsia Hasoru Feto
Loron Internasionál Feto
Arkivu
Statistika Vizitantes

00666253

Ohin loron : 61
Hits ohin loron : 486
Total : 123302
Hits : 666253
Online : 3