» Notisias

Segunda, 08 Juli 2013

SEPI halao Sosializasaun Lei kontra Violensia Domestika iha Sub Distrito Cailaco Distritu Bobonaro

Sekretaria Estadu ba Promosaun Igualdade halao Sosializasaun Lei kontra Violensia Domestika iha Sub Distrito Cailaco Distritu Bobonaro.

Partisipa iha sosializasaun ne’e Estudante Pre Secundaria, Sefi suku, konselho de Suku hotu iha Sub.Sr. Luis Goncalves Respresenta Administrador Sub Distritu Cailaco, ne’ebe halo abertura ba programa sosializasaun ne’e hato’o katak koalia kona- ba Violensia Domestika ema hotu tenki hatene no fila fali ba ema ida idak nia konsensia oinsa atu bele hare kona ba Lei ida ne’e rasik .Violensia Domestika sai ona krimi publiko, tambá ne’e iha uma kain ida nebe mak halo problema vizinho sira ne’ebe rona bele ba halo keisa. Tamba ne’e husu mos ba membro konselho de suku sira hotu atu bele hatene kona ba lei ida ne’e atu wainhira mosu problema iha imi nia suku bele halo keisa ba fatin ne’ebe kompetenti atu bele hare kona ba problema ne’ebe mak akontese.

Director Geral Interino SEPI Sr. Armando da Costa ne’ebe lori SEPI nia naran, hato’o katak iha nia parte konteneti tambá maski SEPI foin mak to iha Cailako maibe haksolok tambá koalia kona ba Violensia Domestika maluk sira iha Sub Distritu Cailaco barak mak iha ona konhesementu konaba lei kontra Violensia Domestika ne’e rasik.

Tamba tuir Represenante Administrador hato’o katak Cailaco mak VD as. Director Armando hato’o katak Governu mos ratifica konvesnsaun CEDAW, iha tinan 2002, bazeia ba lei inan no tratado ne mak govenu oinsa atu integra asuntu jeneru iha área hotu,tambá koalia kona ba jenenru katak iha feto ho mane hotu.

Sra. Celeste Gonsalves Chefe Dep. Legislasaun hato’o katak laos mai atu hanorin maibe atu koko transforma buat ne’ebe mak iha, Violensia bazeia ba Jeneru mak hahalok saída mak hanaran Violensia Fisika, economia, Violensia psicologia.

Parstispantes sira ne’ebe mak tuir sosializasaun ne’e senti haksolok tambá sira mos bele hetan imfomasaun barak husi Nasional SEPI, tambá dala barak hahalok sira ne’e mosu hela iha sira nia uma laran maibe sira la hatene katak buat sira ne’e tama ona iha Tipo de Violensia.